RALAN MOMOGOMPI LAPTOP

RALAN MOMOGOMPI LAPTOP

(Sindingo’ tumanud loyuk “Kalau Anda Gembira”)

Iti no ralan momogompi laptop,
Kada potimpakai di tangawagat,
Po’oofon no soira oponu o cas dau,
Mooi do au orumbak o botiri.

Nung kilaptop tokou sondii,
Mositi upuson, tamangan tokou,
Kada poiliiliho’ id nombo nopo,
Mooi do au atagak o laptop.

Soira mongukab om momisok,
Tonudo’ no ralan di kotunud,
Kada posidangai, kada nogi yoposo’,
Poopion om gompion tawaawasi.

Nung poingigit ko nopo do taakanon,
Insodu no mantad do laptop,
Mooi do au oyomutan om alaid do araag,
Iti no koulaalaho’ di tosonong.

Soira alapas ko momoguno,
Posuangon tawaawasi id kantung dau,
Ingaton no kama soira do popoopi,
Mooi do au aratu o laptop.


(Buku Teks Tahun 6 : Bahasa KadazanDusun, m/s 89)