PUISI KU: "AUH OKU KOILO" & LIRIK LAGU : NOBOLOU (Hain Jasli) & IKA NO UPUSON KU (Filex Don)

PUISI : AUH OKU KOILO (Saya tidak tahu) - Jalifah Muhamin_081009_12.00 AM

Poingkuro no da poborosonku..
Kumaa dika…
Boros id suang ginawoku…
“Auh oku koilo…”

Poboroson ku da tambalut ku
Nga…miagal di otutunan ku no
Yolo nga auh koilo…
Yoho sondiri nga auh kokito
Nunu di kaka topurimanan ku ti

Insan tadau…songulun oku..
Korongou ku sinding di olumis..
“Nobolou – Hain Jasli”
Kagayat nokopio ginawo ku.
Osorou ku di pegulu
Tanak aku po…
Auh kopio ogumu sorohon…
Ingga nunu masalah opurimanan ku

Baino nopo di nga..
Nakagayo oku no di
Ogumu no opurimanan ku hiti suang ginawo ku…
Auh oku da kopio orohian..
Nga..iti no kanto pemusarahan
Insanan tulun hiti pomogunan ti.

Megihum aku no da kasangan ginawo ku
Kasangan ginawo insanan tompinai ku
Om..tambalut ku ngaih..
Nga..haro nopo auh kasanag ginawo yolo kuma doho.

Baino nopo di nga..
Kopurimanan oku no di..
Insanan di koingoritan ku..
Insanan kasanagan di toprimanan ku..
Insanan nga mantad di Allah SWT
Nunu nopo id suang pemusaran tokou…
Om..id suang ginawo tokou...

Allah SWT no koilo

“Auh oku koilo…”



Nobolou - Hain Jasli


Nong kagampot oku da mamagawoi..
Om haro da kagarasan ku…
Bulan rombituon hilo id tawan,
Upuon ku patahak dika…

Tupus ku nopo diaka koupusan..
Aiso kagalon ka moti pomogunan..
Auh kosoribau maya diti boros ku..
Rinalom tupus ku id dika…

Nobolou nangku diti topus ku..
Om nosimbulan nangku momusorou
Noigkokoton nogi om koposion to
Miagal tanah om nogi tawan

Yoho sogulun tanak mosikin
Aiso nunu do posurungon ku
Nga nototos oku mogoling dika
Romalom negi tupus ku dika.





Ika No Upusan Ku - Filex Don


Alansan ko ngawih..id janji ku
Ongomo ku ngawih di upus ku
Opion ku ngaran id upusan ku
Ika sondih ginawo ku…ginawo ku..ooo

Ipi-ipion ku..oh turos nu
Pilangad-langad ku..oh ngigis nu
Pisorou-sorou ku..oh ngaran nu
Gisom ginawo ku…ginawo ku

Ika no songulon ie upuson ku
Piontarom id suang ginawo ku
Ika no songulun ri ipion ku
Ingga suai kaganti
Oh..migit..oh..migit..oh upus ku.
Oh..migit..oh..migit..ti upus ku.

Onggomo toh ngawih..oh janji toh
Tulido toh ralan..piupusan toh
Kada sopiolim
Pisorou-sorou soira kopinsodu
Sopinsomok..